CAGAYAN DE ORO CITY – Gipanganti Philippine Army commanding general Lt Gen Romeo Brawner Jr nga dili na madugay ug mahingpit nang mahatagan sa hustisya ang pagka-ambush ni Lanao del Sur Gov. Mamintal ‘Bombit ‘Adiong Jr.
Kini human kompirmaha ni Brawner nga may usa na lang nga nabilin sa mibanhig sa grupo ni Adiong pinaagi sa nagtagu-tago nga lider sa criminal gang nga si Lumala Baratamo Mandoc nga naglihok sa maong probinsya.
Gihimo sa heneral ang pahayag nunot sa pagka-patay sa sinaligan ni Mandoc nga si Oscar ‘Tacmar’ Capal Gandawali kay misukol sa hiniusang operasyon sa militar ug kapolisan sa Maguing sa miaging adlaw.
Dumduman nga sa maong ambush,gilayong patay ang tulo ka police escorts ug laing usa ka civilian driver samtang naluwas si Adiong kay nadali pagdala sa ospital dinhi sa syudad sa miaging Pebrero 17 ning tuiga.
