CAGAYAN DE ORO CITY –Gibalik na sa pamilyang Pimentel ug kabanay padulong sa kauluhan ang patay’ng lawas ni kanhi Senate Pres Aquilino ‘Nene’ Pimentel Jr ning adlawa.
Kini human ang gihaya sa usa ka adlaw ug duha ka gabii aron makahatag sa katapusang pagrespeto ang katawhan kang Pimentel sa toursim hall ning syudad.
Miingon si PDP-Laban president Senador Koko Pimentel nga hinoon sa adlaw’ng Sabado pa ilubong ang ilang amahan sa kauluhan.
Kinasingkasing usab nagpasalamat ang pamilya sa katawhan nga miduyog sa ilang kasub-anan ug miila sa kontribusyon nga nahimo ni Pimentel dihang opisyal pa kini sa gobierno.
