Nakauli na sa Pilipinas ang lawas sa namatay nga si Mary Ann Velasquez De Vera, ang Pilipinang caregiver nga napatay sa missile attack ngadto sa Tel Aviv, Israel.
Gisugat siya sa Ninoy Aquino International Airport (NAIA) niadtong Sabado, diin mihilak ang iyang pamilya ug bana. Si De Vera mao ang unang kumpirmadong Pilipino nga napatay sa kasamtangang kagubot sa Middle East.
Namahayag sa pakigduyog sa kasakit ang Department of Migrant Workers (DMW), Overseas Workers Welfare Administration (OWWA), ug ang Israeli Embassy sa Manila, nga naghatag sa suporta ug pag-ila sa iyang kaisog. (by Phillip Ariata)
