CAGAYAN DE ORO CITY – Patay ang usa ka mag-uuma human gitoohan nga gi-atake sa kasing kasing o naigo ang ulo sa bato didto sa P-6, Kulasihan Lantapan Bukidnon.
Namahayag si Police Major Jerry Paronia, acting chief of police sa Lantapan Municipal Police Station nga nakadawat silag tawag gikan kang Brgy. Kagawad Rubisper Rudal sa Brgy Kulasihan Lantapan human mapalgan nila ang lawas sa biktima nga si Rodrigo Gondao, 43 anyos, minyo ug residente sa maong dapit.
Unang namahayag ang mga nakaila sa biktima nga gikan pa mitampo sa party ang biktima sa milabay’ng adlaw nga mipauli nga nagtaki-ang bunga sa grabeng kahubog.
Hinoon, bisan ang pamilya sa biktima nagtoo nga walay foul play sa hitabo tungod kay walay bun-og o samad sa lawas nga nakita atol sa pagrekober sa cadaver sa biktima.
