CAGAYAN DE ORO CITY – Mo-retiro na sa serbisyo si Police Regional Office 10 regional director Brig Gen Ricardo Layug Jr epekto ning adlawa.
Miingon si PRO 10 spokesperson Major Joann Navarro nga himoon ang simpleng seremonya sa Kampo Alagar karong buntag.
Siya miingon nga maoy mohulip kang Layug si Police Brig Gen Jaysen de Guzman nga kanhi commandant sa PNPA didto sa Cavite.
Gibutyag ni Navarro nga magsilbing administering officer sa pag-retiro ni Layug si acting PNP Director for Operations Brig Gen Nicolas Salvador gikan sa Kampo Krame.
Si Layug ang miembro sa Philippine National Police Academy o PNPA Class of 1993.Samtang si De Guzman ang gikan usab sa PNPA Class of 1995.
Hisayrang si Layug ang 11 ka bulan nga nangulo sa PRO 10 sukad mihulip kang retired Police Brig Gen Lawrence Coop.
