CAGAYAN DE ORO CITY-Nalipay ang komitiba sa Police, Fire and Public Safety sa konseho sa pagbutang
sa security guards sa branches sa LBC sa syudad.
Gibutyag City Councilor Romeo Calizo,chairman sa maong komitiba nga nalipay siya kay gisunod sa patigayon ang ilang nasabutan human gipatawag ang kadagkuan sa LBC sa konseho aron mohatag eksplenasyon sa sunod-sunod nga tulis sa syudad.
Tungod niini, gitin-aw ni Calizo nga wala na’y rason aron ilang kasuhan ang maong patigayon.
Una niini,gimando ni City Mayor Oscar Moreno kang City Police Director Sr/Supt Nelson Aganon nga ipasiguro nga mahataga’g igong seguridad ang publiko batok sa kriminalidad rason gikatag ang daghang pulis sa dakbayan.
