CAGAYAN DE ORO CITY-Napakyas ang prosekusyon masaka sa korte ang mga kaso batok sa duha sa lima ka naglangkob sa Bedro Robbery Gang nga suspek sa sunod-sunod pagpanulis sa branches sa LBC Express Incorporated ning syudad.
Kini human nangayo’g preliminary investigation o PI ang suspek nga si Roosevelt Bedro aron i-kuwestiyon ang pasangil sa kapolisan nga kabahin siya sa mituli sa tulo ka branches sa LBC ning syudad.
Gibutyag ni Cagayan de Oro City Police Office spokesperson Supt Mardi Hortillosa nga nag-hire sa pribadong abogado ang suspek aron tubagon ang sumbong nga gipasaka batok kaniya.
Si Bedro kuyog ang laing upat ka gawasnon mga kauban niini ang giingong konektado usab sa usa ka dakong robbery group nga nakabase sa Ozamiz City.
