CAGAYAN DE ORO CITY–Gigisa sa duha ka komitiba ang mga representante sa LBC Express Incorporated nga mas ilado nga Luzon Brokerage Company ning syudad.
Kini human gipatawag nila ni Kag George Goking ug Kag Romeo Calizo ang maong kompanya kuyog ang ubang mga negosyante aron pangayua’g katin-awan sa sunod-sunod nga pagpanulis sa dakbayan.
Miingon si Calizo nga dili makatugot ang dakbayan nga kanunay lamang maigo sa pagpanulis nga dili masumpo gumikan usab sa pagpasagad sa pipila ka negosyante.
Gihimo sa duruha ang joint committee hearing gumikan sa pagkatulis sa LBC-Divisoria branch diin nakuha ang kinitaan nga 100-mil pesos niadtong adlaw’ng Domingo.
Samtang dili mahinugon kon mawad-an sa pipila ka investors kon magmagahi sa pagsunod sa mga ordinansa sa dakbayan.
Gihimo ni Kag George Goking,chairman sa komitiba sa trade and commerce tungod sa pagsagad sa seguridad sa pipila ka negosyante hinungdan sa pagpanulis sa pipila ka balay-patigayon sa dakbayan.
.Gibutyag ni Goking ang pagka-dismaya gumikan sa pagdumili pagbaton sa mga sekyu sa kompanyang LBC branches diin sila sunod-sunod natulis sa mga armadong grupo sa dakbayan.
Samtang nangayo’g pasaylo ang kadagkuan sa LBC Express Incorporated sa nahatag nga alarma sa seguridad sa dakbayan.
Kini human makapila ka higayon nga naigo sa pagpanulis ang pipila sa ilang branches sa syudad ug lalawigan.
Miingon si LBC regional manager Jacinto Bernados nga desisyon sa top management nga dili magbaton sa mga sekyu kay may kaugalingon usab sila nga internal security guidelines.
Gihimo ni Bernados ang katin-awan sa pagtunga niini sa joint committee hearings nga gipatawag sa konseho kaganihang buntag.
