CAGAYAN DE ORO CITY-Kasuhan na sa kapolisan ang duha ka armadong suspek nga mitulis sa LBC branch diha sa Pabayo Chavez Street
ning syudad.
Gibutyag ni Cagayan de Oro City Police Office spokesperson Police Supt Mardi Hortillosa nga nakita sa CCTV ang mga suspek nga mihimo sa kremin.
Matud ni Hortillosa nga mao gihapon nga mga suspek nga mitulis sa maong patigayon sa miaging tuig. Ang LBC ang nahimo ng suki sa mga tulisan dinhi sa syudad tungod sa kawad-on sa security guard.
Wala pa usab mihatag sa maong patigayon kon pila ang salapi nga nadala sa mga suspek sa pagpanulis kagahapon sa hapon.
Samtang gi-depensa sa kadagkuan sa LBC kon nganong nagdumili sila paghupot sa mga sekyu aron bantayan ang ilang operasyon batok sa mga tulisan ning syudad.
Kini human prangkahi sa konseho ang maong patigayon kon nganong inotil sila pagsumpo sa sunod-sunod nga pagkatulis sukad pa sa naglabay’ng mga katuigan.
Namahayag si LBC Northern Mindanao area manager Jacinto Bernados nga may gipatuman sila nga internal security measures aron kalikayan nga
matulis.
Nangayo na lama’g pasaylo si Bernados sa laing pagkatulis sa branch nga nasuki na sa mga suspek sa dakbayan.
