Uyon sa paghatag og legal liabilities sa mga menor de edad ang abogadong si Atty. Eddie Cuaresma, ang kanhi presidente sa IBP Misamis Oriental Chapter, apan kini kung adunay basehan nga siyentipikong pagtoon.
Gipahayag niya nga dili mahimong modesisyon lang ang mga politiko sa pagpaubos sa pangedaron sa tulubagon kung walay lig-ong sukaranan.
Hinuon, gi-awhag niya ang usa ka lawom nga pagtuon aron masuta kung epektibo ba ang kasamtangan nga balaod o nagkinahanglan na kini og pag-usab.
Gihisgutan usab niya nga bukas siya sa ideya nga ipaubos ang edad sa 9, 10, o 11 anyos, basta adunay klarong validation ug evaluation sa epekto niini.
Tungod niini, nanawagan siya og malawman nga diskusyon ug debate aron maseguro nga insakto ang lakang nga pagahimoon sa mga magbabalaod.
