Normal lang nga mupalag ang 16 signatories nga mga abogado ni Vice President Sara Duterte sa paglakmit ni House Committee on Justice Chairperson Gerville Luistro nga mulusad sila sa mini-trial sa pagdeterminar sa probable cause batok sa impeachment complaint sa bise presidente.
Mipasabot si Atty Rhobert Maestre, usa ka legal expert, nga ang trabaho sa komitiba limitado sa pagdeterminar kung supisyente ba sa porma, unod, ug substansya ang mga reklamo ayha mupasaka’g kaso gamit ang nahipos nga mga ebidensya o probable cause.
Iyang gipamugos nga subay sa balaod, ang senado lamang ang makahimo’g paghusay sa kaso sa bise presidente ug dili mahimong buhaton kini ni Luistro kay dili na kini sakop sa ilang trabaho sa pagpangitag ebidensya o in aid of investigation.
Kini ang rason nga wala tagda sa mga abogado ni VP ang pagpasubpoena sa dugang dokumento kay trabaho sa komitiba ni Luistro ug sa mga complainants ang magpasa sa dokumento isip ebidensya nga nakasupak sa balaod ang bise presidente ug angayan siya ma-impeach.
