Tataw karon ang dakong lalis bahin sa legalidad sa bag-ong patakaran sa impeachment trial diin gipagawas sa ihap ang mga absent nga senador aron mab-ot ang 14 ka boto nga threshold batok kay Bise Presidente Sara Duterte.
Segun ni kanhi Diplomat ug Law Professor Atty. Jojo Lacanilao, bisan pa sa panagsumpaki sa panan-aw sa mga kanhi mahistrado sa Korte Suprema, ang Senado gihapon ang adunay bugtong katungod nga magdesisyon sa ilang mga lagda.
Sumala pa sa maong abogado, magpabilin nga epektibo ug sundon ang 14 ka boto nga patakaran gawas kon magpagawas og temporary restraining order ang Korte Suprema.
Gipahayag usab ni Lacanilao nga dako ang iyang pagduhaduha sa kapasidad sa Korte Suprema nga mopagawas og injunction batok sa impeachment trial tungod sa bug-at ug independenteng gahum sa Senado.
Gidugang sa maong legal expert nga sa pagkakaron, ang maong bag-ong patakaran ang magmando sa gidangatan sa kontrobersyal nga impeachment trial sa Bise Presidente.
