Gikwestyon ni kanhi Provincial Administrator Atty. Angel Lim ang legalidad sa pag-ila sa Malacañang ug sa mga bangko kang Sen. Sherwin Gatchalian isip Acting Senate President.
Sumala sa abogado, ang maong buhat mahimong isipon nga usa ka conspiracy to usurpation of official function subay sa Article 177 sa Revised Penal Code.
Gipunto ni Atty. Lim nga walay igong gahom si Gatchalian sa pagpirma og mga dokumento sama sa payroll ug mga tseke tungod kay wala man siya makalingkod sa maong posisyon sa tukmang paagi.
Dugang pa sa eksperto, bisan pa og duna kini presumption of regularity, ang kamatuoran mahitungod sa maong isyu dili gayod matabunan sa mga bakak nga nagpapatong-patong na karon.
Sa kataposan, nagtuo ang kanhi opisyal nga mahugno ra ang maong mga sayop nga aksyon sanglit ang kamatuoran kanunay gayod nga mopatigbabaw.
