CAGAYAN DE ORO CITY – Gihagit ni House of Hope Foundation co-founder Msgr Tex Legitimas,PC,SSJV sa Archdiocese of Cagayan de Oro ang liderato sa city govt nga tumanon ang pirmado niini nga kasabutan tali sa pag-atiman sa mga tawo nga adunay apan sa pangisip nga nahimutang sa Palalan,Brgy Lumbia ning syudad.
Kini human akusahi sa maong pari nga wala tumana sa city hall ang paghatag ayuda balor 3 milyones kada-bulan nga obligasyon niini alang sa maong foundation.
Miingon si Legitimas nga insulto alang kanila nga naningkamot sa pagpangatiman sa mga tawong adunay apan sa pangisip nga halos dili na sila pasudlon sa mga bag-ong nagdumala niini.
Siya miingon nga napugos pagpangayo’g tabang sa media ang maong grupo tungod sa pagpasagad sa dakbayan.
Samtang wala pa’y komento ang kampo ni City Mayor Rolando ‘Klarex’ Uy kabahin sa gihimong lakang sa House of Hope Foundation.
Mismo na ang nagdumala ug nagpadagan ang J.R Borja City Hospital sa maong pasilidad nga ubos sa city govt ug nawad-an sa direktang gimbuhaton ang mga orihinal nga nagtukod sa maong apostolado.
Hisayrang ubos sa kasabutan nga adunay hiniusa nga lakang ang panig sa simbahang ug kagamhanang lokal alang sa pag-atiman sa mga tawo nga nagkinahanglan sa paggalam sa ilang mga huna-huna.
