CAGAYAN DE ORO CITY – Pursigido si Police Regional Office 10 spokesperson Police Lt. Col. Mardi Hortillosa nga malusutan ni kanhi PNP Chief Oscar Albayalde ang pagsulay nga iyang gi-atubang taliwala nga duol na kining magretiro o mahimong ordinaryong sibilyan sa nasud.
Gani, makomparar pa ni Col. Hortillosa ang iyang kaugalingon kang Albayalde human siya sab nag-atubag sa napulo ka kaso sa Ombudsman.
“Imagine, lihetimo nga operasyon ha, ikaw pay sayop, ikaw pay kasuhan. Pero wala man tay mahimo ana kay mao man ang ilang nakita. Ang ato ana ang ebidensya ug tawag ra man sa trabaho,” ingon ni Hortillosa.
Hinoon, masaligon si Hortillosa nga malusutan sab niya ang mga pagsulay ilabe nga lehitimo ang ilang operasyon batok sa mga kriminal sa syudad.
