Usa ka dako ug bug-at nga leksyon alang sa tanan ang nahitabong dako nga sunog sa Barangay Lapasan aron dili na masubli ang pagka-ugdaw sa mga balay ug kabtangan sa komunidad.
Ang maong pahinumdom gipagawas sa Bureau of Fire Protection o BFP human nga miresulta sa pagka-ugdaw sa halos usa ka gatos ka balay sa Santa Cruz 2 ang pagdaob sa usa ka lalaki sa balay sa iyang kanhing kapares.
Gipasabot ni Fire Senior Superintendent Reynante Lorono, ang District Fire Marshal sa Cagayan de Oro, nga ang pagpadala sa kasuko nagdala lamang og dako nga kadaot, kalisod, ug pagbasol sa uwahi.
Busa ang hangyo karon sa BFP sa publiko nga sa matag higayon nga mag-atubang og problema, unahon ang kaalam ug pag-ampo imbes nga padag-on ang kainit sa ulo aron dili makaguba sa kinabuhi ug makadamay og mga silingan..
