CAGAYAN DE ORO CITY –Napili sa laing higayon si Leo Rey Yanson isip presidente sa Mindanao Star Bus Transport Incorporated nga maoy nagpadagan sa mga RTMI bus sa Mindanao epektibo ning adlawa.
Kini human ilusad sa kompanya kinsa sister company sa Vallacar Transit Incorporated ang annual stockholders’s meeting diha sa ilang branch sa Brgy Bulua sa syudad karong adlawa lamang.
Miingon si Yanson nga dako ang iyang pagpasalamat nga gisaligan kini sa ilang mga opisyal ilabina sa inahan niin nga si Olivia Yanson nga naila nga matriarch sa maong kompanya.
Gipili usab isip board of directors sila si Ginette Yanson Dumancas,Charles Dumancas,Arvin John Villaruel ug retired Army Gen Rey Ardo isip bag-ong mga board of directors.
Si Yanson kinsa chairman ug presidente usab sa Yanson Group of Bus Companies ang nagpasalig sa mas maayo pa nga serbisyo ug pag-alagad sa publiko ilabina sa ilang mga sumasakay dii lamang sa Mindanao apan bisan sa ubang bahin sa nasud.
Una niini,giimbitar usab ang laing upat ka igsoong Yamson sa maong stockholders meeting apan giingong may gihimo sila nga susama nga kalihukan mismo dinhi sa gihapon sa syudad ning adlawa.
