Nalipay ang grupong LGBT Pilipinas human nga nagpagawas og desisyon ang Supreme Court nga ang mga same-sex couples sa nasud pwedeng makapanag-iya na og property, human giila sa korte suprema nga pwedeng mahimong co-owners sila base sa co-ownership rules on property relations nga nakalatid sa Article 148 sa Family Code.
Matod pa ni Atty. Samson Tan, legal counsel sa LGBT Pilipinas, dako kini nga pag-ila sa katungod sa mga myembro sa LGBT, apan halo-halo ang iyang emosyon sa maong desisyon.
Giingon ni Tan nga kung basihan ang tumong niini, giila lang ang maong desisyon tungod sa pagkasohay sa usa ka lesbian couple sa Quezon City kabahin sa ilang co-ownership sa property nga napalit nila samtang nag-uban pa, ug dili tungod kay giila sa nasud ang same-sex union nga legal na sa laing nasud. (James Oliver)
