Magpadala sa sulat ang lokal nga kagamhanan sa BALINGASAG sa Independent Commission on Infrastructure (ICI) sa mga nabungkag nga mga flood control projects sa ilang munisipalidad.
Kini human nasayran ni Balingasag Mayor Alexis Quina nga gatinukloda na ang buhatan sa National Irrigation Authority (NIA) ug sa Department of Public Works and Highways (DPWH) kung kinsa ang implementing agency nga mitukod sa napulpog nga mga diki.
Namugos si Quina nga sayon ra man unta masayran kinsa ang nagpatukod niini kung nakigkoordinar sila sa munisipyo.
