CAGAYAN DE ORO CITY – Gipangayuan na’g ban exemption ni City Mayor Rolando ‘Klarex’ Uy ngadto sa Commission on Elections o Comelec ang kada-semana niini nga pagtunol sa social services diha sa city hall ug sa paglibot sa kabarangayan sa dakbayan.
Kini aron dili makasupak sa gilugwa nga mando sa Comelec nga dakong gidili ang paghimo niini napulo ka adlaw sa dili pa ang eleksyon sa Mayo 12 ning tuiga.
Miingon si Janboy Actub,tigpamaba sa mayor nga naghulat na lang sila kon unsay hukom sa Comelec kabahin sa maong petisyon.
Hinoon,walay AKAP,AICS ug uban pang programa gikan sa DSWD ang makita sa social services nga senemana himoon sa city hall.
