Gipahigayon ang usa ka mahinungdanong panagtigom tali sa LGU Initao ug sa kagamhanan sa Misamis Oriental ubos sa pagpangulo ni Governor Juliet T. Uy.
Subay sa maong panag-istoryahanay, dako ang tinguha sa liderato nga mas mapalapad pa ang kolaborasyon alang sa dinaliang pagpatuman sa nagkalain-laing mga programa nga magdala og kalamboan sa tibuok rehiyon.
Gibutyag sa gobernador nga lakip sa ilang giuyonan mao ang prayoridad nga proyekto sa road rehabilitation ug construction nga gilaumang masugdan sa dili madugay.
Hinoon, gilaraw nga unahon gayod ang pag-ayo sa mga dalan ngadto sa mga hilit ug kabukiran nga dapit sa Initao aron mas mapadali ang dagan sa ekonomiya ug transportasyon sa mga molupyo.
Sa katapusan, dako ang pasalamat ni Mayor Mercy Grace Acain uban sa tibuok konseho sa Initao sa gipakitang suporta sa lalawigan nga naglantaw alang sa usa ka mas progresibo ug mauswagong lungsod.
