Gihangyo ni City Information Officer Jade Adeser ang publiko nga tagaan og 30 ka adlaw nga higayon ang pagpatuman sa probinsyal nga bus ug jeepney ban ubos sa City Ordinance 10551-2007 Section 120 aron ma-decongest ug mapakuhag gamay ang vehicle emissions sa Cagayan de Oro.
Gisulti sa maong opisyal nga gimandoan na sa mayor sa dakbayan ang pagporma og task force batok sa mga nakabalabag sa dalan samtang gipakatap usab ang mga sakop sa Dispersal and Traffic Management Unit ug Roads and Traffic Administration alang sa mas pagpahugot sa pag-clamp ug pag-issue og citation tickets sa mga salakyanan nga nag-illegal ug double parking.
Samtang gipangusgan ang pagdisiplina sa kadalanan, gihangyo usab ang mga lokal nga grupo sa transportasyon nga sila na ang mutabok ug mupasahe sa mga sumasakay gikan sa probinsya nga manaog sa gigahin nga terminal sa Westbound ug Agora.
Hinoon, gipatin-aw sa maong opisyal nga dili lang mag-limit ang dakbayan sa orihinal nga ordinansa sanglit magpadayon ang ilang mga preventive measures aron masiguro ang kahapsay sa trapiko.
