CAGAYAN DE ORO CITY – Subling gitin-aw ni Commission on Elections o Comelec 10 regional director Renato Magbutay nga gidili ang mga pagpanghatag sa hinabang 10 ka adlaw sa dili pa ang eleksyon.
Partikular nga gitumbok ni Magbutay ang Ayuda sa Kapus ang Kita Program o AKAP ug Assistance to Individual in Crisis Situation o AICS sa Departmentt of Social and Welfare Development o DSWD.
Hinoon, kon dunay nanginahanglan gayod sa hinabang,ang DSWD maoy mo-apud-apod niini ug dili ang mga kandidato o dili ba kaha ang local government units kon LGU’s.
Tumong sa maong balaod nga dili kini mapahimuslan sa mga pulitiko ilabina kadtong incumbent officials nga gapapili usab sa umaabot eleksyon.
