CAGAYAN DE ORO CITY – Gipa-alerto sa Office of the Civil Defense 10 ang local government units batok sa mga hadla sa kalamidad gumikan sa kanunay nang mga pag-ulan diin kabahin sa Northern Mindanao nga apektado.
Gihimo ni OCD 10 asst regional director Gilbert Conde nunot sa kamatayon sa duha ka ginang kay naanod sa pagbaha ug laing usa ka kauban ang missing sa Barangay Camuayan,Balingasag,Misamis Oriental sa miaging gabii.
Matud ni Conde nga angayang hingusgan ang pagpatuman sa anti-disaster safety protocols aron makibhangan ang kahigayunan nga magkumpiyansa ang katawhan.
Siya miingon nga dili usab angay ibaliwala sa katawhan kung unsa man ang mga anunsyo sa kagamhanan kabahin sa proteksyon alang kanila batok sa mga trahedya o kalamidad.
Dumduman nga sa nahitabo sa Balingasag,maoy namatay sa pagkaunod sa baha samtang nagtabok sa spillway sila Erlinda Dahay ,66 ug Jocelyn Caculba,58 samtang missing pa si Melodina Salinay Ganzan nga tanan nagpuyo sa lugar.
Hisayrang nakasinati sa pag-ulan ang rehiyon hinungdang adunay mga lungsod o probinsya nga mitubo ang tubig-baha sa mga suba.
