CAGAYAN DE ORO CITY – Gipaubos na sa Aboitiz InfraCapital Aviation Customer Service Excellence Training ang mahimong molangkob nga mga empleyado sa Laguindingan International Airport diha sa lungsod sa Laguindingan,Misamis Oriental.
Matud ni Aboitiz InfraCapital Corporate Communications and Branding Manager Franz Jonathan De la Fuente nga kabahin kini sa ilang taliabot nga paghulip sa operasyon sa maong tugpahanan sugod sa hinapos nga bahin ning bulana.
Siya miingon nga nag-unang tumong sa maong bansay-bansay sa mga empleyado nga gilayong mabati sa mga pasahero ang talagsaong serbisyo nga kulang ug wala masinati-i sa dugay’ng panahon sa LIA.
Una nang gibutyag ni AIC president ug chief executive officer Cosette Canilao nga kung unsa ka epesyente ang kasinatian sa mga pasahero matag-sulod gawas nila sa Mactan-Cebu International Airport, susama nga serbisyo usab ang itunol nila sa mga taga-Northern Mindanao ug BARMM regions.
Ang pribadong pagdumala sa AIC sa LIA molungtad sa 30 ka tuig haom sa pirmadong kontrata sa gobierno ubos sa public private partnership o PPP.
Hisayrang nahataga’g katumanan ang pagpalambo sa LIA resulta sa koloborasyong paningkamot sa mga kongresista sa rehiyon ilabina ni Misamis Oriental 2nd District Cong. Bambi Emano diin nakumbensir ang DOTr nga ma-prayoridad kini nga giuyunan usab ni Pres Bongbong Marcos sugod tuig 2024.
