CAGAYAN DE ORO CITY-Nasikop sa kapolisan nga aktong nagsuyop sa suspected shabu ang liason officer ni City Mayor Oscar Moreno sa Brgy 15 sa syudad.
Kini human gilusad sa Divisoria Police Station ang paglusob sa operasyon hinungdan nasikop ang mga suspek kagabii.
Miingon si City administrator Teddy Sabugaa nga sundon nila ang balaod kon unsa’y mahimong batok kang Janus Mark Leyson,34 anyos,ulitawo ug nagpuyo sa Brgy 15 sa syudad.
Nasikop usab sa kapolisan an kanhi pulis nga si Rico Gallardo Jr,33 anyos,ulitawo nga taga- Brgy Balulang nga
kuyog ni Leyson naghit-hit sa gitoohang shabu.
Nakompiskar gikan sa mga suspek ang tulo ka suspected shabu sachets ug illegal drug paraphernalia.
Dumduman nga sulod ning bulana,gipasidunggan pa sa PDEA-10 si Moreno isip aktibong nagsuporta batok illegal nga
droga ning syudad.
