CAGAYAN DE ORO CITY – Gibasura sa city prosecutor’s office ang kasong libel nga gipasaka batok kang City Mayor Oscar Moreno.
Kini alayon sa gibulgar ni Moreno nga nag-imbento sa estorya si provincial tourism dept consultant Leona Cabagnot ug gisumbong ngadto sa hotline 8888 ni Pres Rodrigo Duterte.
Miingon si Regional State Prosecutor Merlynn Uy nga mismo si acting city prosecutor Atty Lito Sanchez ang nagbasura sa kaso tungod sa kakulang sa basehan.
Gi-depensa usab ni Uy ang pag-inhibit sa ubang city prosecutors nga mohawid sa kaso batok Moreno aron kalikayan ang mga pagduda ug dili maipit sa politika.
Samtang gipamatud-an ni Moreno nga wala siya’y angay tubagon sa iyang pagbulgar nga imbento lamang sa taga-kapitolyo ang pagtawag sa hotline 8888 aron dauton ang iyang pagdumala sa syudad batok coronavirus disease.
Kini human gimanduan ni Moreno ang iyang legal team nga ipadayon ang pagtubag sa kasong libelo nga gipasaka batok kaniya sa piskalya.
Miingon ang mayor nga gihimo lamang niini ang pagtul-id sa mga sayop nga impormasyon aron kalikayan nga makahatag sa pagka-disturbo sa katawhan sa dakbayan.
Una usab niini,gisibog ni provincial tourism dept consultant Leona Cabagnot ang iyang kaso batok Moreno.
