Subling nagpakita og lig-ong pagsupak ang grupo sa mga batan-on batok sa mga balaodnon nga nagtinguha sa pagpahiuyon o paglangan sa Barangay ug Sangguniang Kabataan Elections karong Nobyembre.
Sumala ni Liberal Youth Northern Mindanao Chairman Andre Josol, dili na angay idayon ang maong pagoktaba tungod kay nakagasto na ang Comelec og walo ka bilyon ka piso alang sa pagpangandam.
Gipadayag sa batan-ong lider nga usik kaayo ang maong dakong badyet kon dili madayon ang pagpili og bag-ong mga opisyal sa komunidad.
Gipasabot usab sa opisyal nga hinungdanon kaayo ang barangay tungod kay sila ang unang motabang ug motubag sa kinahanglanon sa katawhan sa matag adlaw.
Dugang pa ni Josol, ang paglangan sa maong piniliay moresulta lamang sa pagka-saba o pagkaharang sa paggawas sa mga bag-ong tingog ug bag-ong lider sa mga kabaranggayan
