CAGAYAN DE ORO CITY – Ikatag sa Police Regional Office 10 ang sobra libo ka pulis alang sa pagbukas-balik sa klase sa mga publikong tunghaan sa Northern Mindanao sa adlaw’ng Lunes.
Miingon si PRO 10 spokesperson Major Joann Navarro nga nakahimo na’g koordinasyon ang ilang lower units sa DepEd offices alang sa maong kalihukan sunod semana.
Siya miingon nga maoy kamanduan kanila ni PRO 10 Director Brig Gen Jaysen De Guzman ang hugot nga police visibility sa ilabina sa mga tunghaan nga nahimutang sa daplin sa mga nag-unang kadalanan sa rehiyon.
isayrang gilauman ang paghuot na usab sa dagan-trapiko sa mga nag-unang mga syudad sa rehiyon gumikan sa pagbalik-klase na sa mga tunghaan sa kagamhanan.
