Gikabalak-ang mawad-an og trabaho ang liboan ka motorcycle taxi riders human gisita sa Land Transportation Franchising and Regulatory Board (LTFRB) ang ride hailing platform nga Move it tungod sa paglapas niini sa gitugotang ihap sa mga riders.
Gimultahan sa LTFRB og 555 milyon pesos ang Move it tungod sa matud pa paglapas niini sa gikatakdang rider cap, diin 10,000 pesos ang multa sa matag usa ka rider nga madugang.
Gibutyag sa LTFRB nga posibleng masuspinde ang partisipasyon niini sa motorcycle taxi pilot program o bawion ang acceditation niini kung dili niini bayran ang gipahamtang nga multa.
Sa usa ka pahayag sa Move it, gipahibalo niini nga nagpasaka na kini og motion for reconsideration ngadto sa LTFRB ug gipatin-aw niini nga dili gadungan sa pagpamasahero ang tanan nilang rider. (raniel mahunyag)
