Libre ang entrance ug rides sa Mary Rose Carnival sulod sa Limketkai Center karong adlawa ug Agosto 18.Gipahibalo ni City Information Officer Jade A. Adeser nga ipatuman lamang sa duha ka piniling adlaw ang maong libreng kalingawan, diin target nilang hatagan og coupon ang 1,500 ka mga tawo matag adlaw.
Labaw pa niini, ang matag coupon naglakip sa walo ka rides nga pwedeng ma-avail gikan sa alas 5 sa hapon hangtod sa alas 12 sa gabii alang sa tanang bisita nga molinya.
Labaw pa niini, gipasalig usab sa opisyal nga andam ang ilang mga medical team ug first aid stations sa maong dapit aron maseguro ang kaluwasan sa tanang mobisita.
Hisayran nga personal kini nga gidalit sa pamilyang Uy ning pagsaulog sa Higalaay Festival alang sa mga katawahan.
