Gitin-aw ni City Councilor Maximo Jon-Jon Rodriguez III nga wala pay tibuok nga implementasyon sa Republic Act 12309 o mas naila nga Free Funeral Services Act.
Iyang giingon nga gibalay pa sa iyang Komite sa Social Services, ning syudad, ang paghatag sa mortuary assistance alang sa mga indigent PWDs. Aron mas han-ay ug klaro ang proseso sa paghatag sa ayuda, nakig-alayon ang iyang komite sa Persons With Disability Affairs Office (PDAO).
Ang tumong niini mao ang pag-streamline sa mga hangyo sa burial assistance ug paghatag sa insaktong suporta sa mga pamilya nga nanginahanglan.
Gipasabot ni Rodriguez nga kung walay ingon nga mekanismo, posible nga dili mahatagan sa hustong ug desenteng paglubong ang mga indigent PWDs.
Hisayran nga ang inisyatiba nagpakita sa tinguha sa Konseho nga hatagan sa taas nga respeto ang pagpalubong sa mga kabus ug kadtong anaa sa huyang nga sektor sa komunidad.
