Kinahanglang ipaskil sa tanang pampublikong sakyanan ang opisyal nga fare matrix aron mapanalipdan ang mga komyuter batok sa overcharging ug patakag paningil sa pletihan sumala sa LTFRB Region 10.
Giklaro ni LTFRB Region 10 Director Aljo Bendijo nga walay bayad ug libreng ma-download o ma-print ang giya gikan sa opisyal nga website ug social media page sa ahensya.
Gipasabot sa opisyal nga dili na angay magbalibad ang mga drayber ug operator nga walay napaskil nga taripa tungod kay libre ug dali ra makuha ang dokumento.
Samtang gipahibalo usab sa buhatan nga moabot na sa 65 pesos ang pletihan sa taxi, diin magpabilin nga libre ang pagkuha sa kinahanglang add-on matrix samtang gipahigayon ang calibration.
