Gidagsa sa hilabihan nga katawhan ang unang adlaw sa libreng entrance ug sakay sa Mary Rose Carnival sa Limketkai area kagabii isip pahalipay ni Mayor Klarex Uy alang sa saulog sa kapistahan.
Sa interbyu sa Bombo Radyo, gipahayag ni Acting City Information Officer Jade Adeser nga niabot sa 1,800 ang ihap sa mga tawo sugod pa sa alas sais sa gabii gikan sa 2,500 ka libreng ticket nga gigahin sa dakbayan.
Dugang pa ni Adeser Bisan pa man kon napugos sila sa pagpaundang kadiyot sa pagpasulod aron masiguro ang kahapsay, gipasalig sa opisyal nga kompleto ang ilang giandam nga medical personnel ug kapolisan alang sa seguridad sa tanan.
Tungod niini, samtang padayon ang kalingawan hangtod sa tungang gabii, gipahibalo usab niini nga matagamtaman pag-usab sa publiko ang ikaduhang hugna sa libreng sakay karong Martes, petsa 18 sa Agosto
