Natapos man ang Higalaay Festival ug ang bulan sa Agosto apan nagpabilin gihapon ang kasadya sa Mary Rose Carnival pinaagi sa libreng sakay nga gidugang ni Mayor Rolando “Klarex” Uy sulod sa lima ka adlaw nga gisugdan kagabii.
Gitin-aw sa alkalde nga gihimo kini nga paglugway aron mahatagan og kahigayonan ang kadaghanan sa mga residente nga wala nakasakay sa mga unang adlaw sa kasaulogan.
Aron masiguro ang kaluwasan sa tanan, nakig-alayon na ang amahan sa dakbayan sa City Disaster Risk Reduction and Management Department o CDRRMD ug sa iyang Chief of Staff aron matun-an ug mapanindot pa ang pagdumala sa maong kalihokan.
Tungod sa maong mga bag-ong pamaagi, gipanghinaot sa opisyal nga mas mahimong hapsay ug mas daghang pamilya ang makapahimulos sa libreng sakay sa karnabal sa dakbayan.-
