“ANONG TINGIN NIYO SA MAMAMAYAN, BASURA?”
Kini ang gipaninggit sa mga drayber ug operators sa tradisyonal nga jeep nga mitambong sa duha ka adlaw nga transport pahulat sa grupong Samahang Manibela, Mananakay at Nagkaisang Terminal ng Transportasyon (SMMITT) o mas naila isip MANIBELA.
Sugod ning adlawa Marso 26 hangtud 27, mu-undang sa pagpamasada ang ilang kapin 50,000 ka mga drayber aron magwelga sa kadalanan ug ipabati ang ilang kadismaya sa gobyerno.
Samtang sila milusad sa lihok protesta, milabay ang usa ka dakung truck nga adunay gipaskil nga “libreng sakay” gikan sa gobyerno.
Gikapungot sa mga welgista ang bastos nga pag-agi sa maong truck ilabe na nga gipili nila ang maong dalan aron mulusad sa protesta.
Hisayran nga mibiya ang sakyanan sa gobyerno nga halos walay sakay.
Target sa Manibela nga maparalisar ang biyahe sa kadalana Manila – NCR taliwala nga mao kini ang mga adlaw nga bulhog ang ihap sa mga tawong mamauli sa probinsya aron didto itamod ang pagbalaan sa Semana Santa.
