Gidayeg ni Lapasan National High School Principal Dr. Ferdinand Vinco Jr. ang hugot nga pagtinabangay sa tibuok komunidad alang sa pagpanalipod sa kaluwasan sa ilang tunghaan.
Gawas sa naandang pagsusi sa mga bag nga ginahimo sa kapulisan ug mga gwardiya matag buntag ug hapon, aduna usab gipadala nga watchman gikan sa dakbayan aron magtuyok-tuyok ug magbantay sa palibot.
Subay niini, sigurado matod pa nga magpabilin ang presensya sa barangay police inig abot sa alas tres y medya hangtod alas kwatro sa hapon aron luwas ang tanang kabatan-onan sa ilang paggawas.
Isip dugang lakang aron mas mamahimong hapsay ang pagpamauli, gigamit usab sa barangay ang ilang L300 nga sakyanan aron makahatag og libreng sakay ngadto sa mga estudyante.
