CAGAYAN DE ORO CITY-Dili pa gihapon makabalik ang 40-mil gikan sa 77 ka libo ka apektadong pamilya sa nagusbat nga Marawi City.
Kini human anaa pa lamang sa 34-mil ka bakwit ang nakauli ug nagpuyo sa temporary shelters dihang nahitabo ang grabeng giyera tali sa state forces ug grupong Maute-ISIS niadtong Mayo 23, 2017.
Miingon si Joint Task Force Ranao deputy commander Lt Col Romeo Brawner nga bugtong ang sentro na lamang sa Marawi City ang dili masudlan kay gipaubos pa sa dugang clearing operations batok sa mga bomba nga wala nangbuto.
DugangΒ ni Brawner nga hangtod nga dili makuha ang tanang wala mangbuto nga bomba sulod sa 24 ka brgy sa Marawi City,pugngan una ang pagsulod sa mga bakwit.
