CAGAYAN DE ORO CITY – Misukol sa joint operation sa kapulisan hinungdan nga napatay ang notorious leader sa Lundahan criminal group nga si Dencio Lundahan diha sa may Barangay San Vicente, Baungon, Bukidnon.
Matud ni Police Major Christian Relevo, hepe sa Baungon Municipal Police Station nga nakigpinusilay kanila si Lundahan dihang ilang gisilbi ang 13 ka warrant of arrest sa mga nagkadaiyang kaso nga iyang giatubang.
Milungtad sa lima ka minutos ang engkwentro hangtud napatay nila ang target suspek ug narekober sa iyang posisyon ang (1) KG9, (1) .45 caliber pistol ug granada.
Si Lundahan ang giila nga no.6 most wanted person sa Northern Mindanao ug giingong konektado sa CPP-NPA terrorists ilabina nga nalambigit kini sa pagpangilkil, pagpangawat, gun-for-hire ug uban pa.
