CAGAYAN DE ORO CITY – Nasikop kay gisilbihan sa search warrant ang founder sa kulto diha sa Brgy Tugasnon,Alubijid,Misamis Oriental kaganihang buntag.
Kini human unang nakuhaan sa kalibre sa armas nga naglakip sa 45 ingon man 38 ug granada ang suspek nga si Leoner Corpuz Neri,64 anyos nga nagpuyo sa maong lugar.
Miingon si Capt Freddie Surilla,hepe sa Cagayan de Oro-CIDG Team nga gidala nila sa buhatan si Neri kay walay napakita nga mga papeles sa maong mga armas.
Una niini,may giingong mga reklamo nga dili na gauli ang mga babayeng minyo nga nasakop sa suspek ubos sa iyang simbahan nga Pagtalun-an sa Diyos nga Amahan nga Gidala ni Hesu Kristo nga gipatun-an sa Katawhan Incorporated.
Samtang gihimakak sa nasikop nga si nagpatoo nga misyonaryo nga may ilegal nga kining mga gihuptang armas ug gipugngan makauli ang mga babaye nga miembro sa relihiyiso nga grupo diha sa Brgy Tugasnon,Alubijid,Misamis Oriental.
Miingon si Neri nga pasangil lamang kini sa pipila ka tawo nga nasuko batok kaniya.
Namugos usab kini nga wala siya’y gihimo nga dautan aron dakpon sa kapolisan may kalabutan sa gi-reklamo batok kaniya.
