CAGAYAN DE ORO CITY – Napatay sa hiniusang operasyon sa PNP ug AFP ang lider sa notoryus nga Fajardo Criminal Gang ug laing duha ka kauban niini sa Block 12 , Lot 25, Portico II, Grand Europa, Brgy Lumbia ning syudad kagabii.
Kini human misukol ang grupo ni Marvin Fajardo dihang gisilbi sa mga otoridad ang warrant of arrest nga gipagawas ni 4th Judicial Region Municipal Circuit Trial Court Presiding Judge Michelle Manaig-Calumpong sa Tanauan City, Batangas tungod sa kasong direct assault.
Gibutyag ni COCPO spokesperson Maj Evan Vinias nga unang gipabuthan ang PNP Special Action Force sa 2 ka sakop ni Fajardo samtang gisulod niini ang iyang pinuy-anan hinungdan sa pagsinukliay sa mga bala.
Si Fajardo nga lumad taga-Tanauan City,Batangas ang nalambigit sa gun for hire,illegal drugs ug robbery extortion activities sa Batangas,Laguna ug National Capital Region.
