Problema sa liderato ang bug-at nga suliran nga gi-atubang sa Pilipinas, sa pagkakaron.
Kini ang gibutyag ni kanhi Department of National Defense Secretary Norberto Gonzales human sa walag-tuo nga obserbasyon sa mga lihok protesta batok sa anomaloso nga proyekto sa Depatment of Public Works and Highways (DPWH) nga unang nabulgar ang lapad nga kurapsyon gikan mismo sa mga tag-as nga opisyales sa gobyerno.
Labaw niini, iyang gisaway ang walay klaro nga direksyon sa nasud pinaagi sa pagpangulo ni Presidente Ferdinand Marcos kundiin, daghang katawhan ang nagpaningil sa iyang saad niadtong nangampanya pa siya sa pagkapresidente sa 2022.
Gawas niini, wala gikalipay sa kanhi kalihim sa DND ang grabe nga pagpamulitika ubos niining administrasyon, hinungdan nga mas gitutukan pa sa iyang mga ka-alyado sa kongreso ang kaso sa impeachment ni Vice President Sara Duterte inay masulbad ang mga kaso nga nahuptan sa Independent Commission on Infrastruction (ICI) nga mugna ni Marcos.
