CAGAYAN DE ORO CITY – Pagka-priso tibuok kinabuhi ang dangatan sa mga personalidad nga utok sa illegal recruitment nga giingong hinimuan sa Jonieza Joy Travel and Tours Agency & Consultancy nga nakabase sa Poblacion,Initao,Misamis Oriental.
Kini human sirad-i nila ni Department of Migrant Workers Assistant Secretary Francis Ron de Guzman ug DMW 10 regional director Atty. Fidel Macauyag ang maong buhatan tungod sa daghang kasapukan sa balaod.
Miingon si De Guzman nga kasong large scale syndicated illegal recruitment ang gihan-ay sa ilang legal deparment aron ipakang sa maong travel agency.
Gawas sa reclusion perpetua o life imprisonment,multa nga dos hangtod singko milyones pesos usab ang ibayad sa mga sinumbong kon makit-ang sad-an sa korte.
Dumduman nga nag-reklamo ang pipila sa mga na-recruit kay gisaraan sila makatrabaho didto sa Poland apan dako diay’ng ilad.
