Gitinguha sa Namfrel Misamis Oriental Chapter ang pagduso sa usa ka lig-on, tinuod, ug epektibong probisyon alang sa Anti-Political Dynasty Law sa nasod.
Gipasalig ni Nestor Banuag Jr., coordinator sa grupo, nga non-partisan ang maong inisyatibo ug dili kini gihimo aron lamang babagan ang usa ka partikular nga kolor o apelyido sa politika.
Gipamugos sa lider nga ang pangunang katuyoan sa pagpakanaug sa giduso nga balaod mao ang pagtapos sa gahum sa tanang dinastiya nga dugay nang nagpalisod sa katawhan.
Tungod niini, nagpadayon ang pagtigum og mga pirma gikan sa mga lungsanon aron masiguro nga makatabang ang tanan sa pagkab-ot sa kausaban pinaagi sa gahum sa electorate.-
