Gipadayeg ni Atty. Joseph Bernedo, administrator sa Philippine Veterans Investment Development Corporation (PHIVIDEC), ang maayong kolaborasyon sa mga lokal nga gobyerno ug sa militar sa pagpanalipod sa Mindanao Container Terminal (MCT) batok sa pagsulod sa mga illegal nga kontrabando sa rehiyon.
Gipunting ni Bernedo ang importansya sa papel sa Armed Forces of the Philippines (AFP), ilabi na kay ang PHIVIDEC usa ka attached agency Deparment of National Defense .
Matod niya, ang suporta sa AFP dili lamang maghatag og seguridad apan maglig-on usab sa operasyon sa MCT ug sa industrial estate sa PHIVIDEC.
Gipahibalo usab ni Bernedo sa media nga padayon nga pakusgon sa buhatan ang seguridad sa industrial estate pinaagi sa kooperasyon sa mga otoridad.
Base sa ilang memorandum of agreement, plano sa PHIVIDEC ang pagdugang og mga trainees sa matag security post ug ipa-professionally train kini sa AFP aron mas lig-on ug episyente ang seguridad sa lugar. (James oliver)
