Suportado sa Land Transportation Office 10 ang paggamit sa light electric vehicles o mga sakyanang dili na nagkinahanglan sa gasolina, subay sa Electric Vehicle Industry Development Act (EVIDA Law) nga nagtugot sa operasyon sa mga electric vehicles aron mapalambo ang green transport ug mapanalipdan ang kinaiyahan. Apan sumala ni LTO 10 Public Information Officer Nanding Flores, kasamtangang naka-hold pa ang desisyon kung tugtan ba ang maong mga sakyanan nga makadaganan sa mga dagkong dalan sa siyudad.Siya miingon nga bisan nga dili kini makadugang sa polusyon, daghan pa gihapon ang angay nga ikonsiderar, ilabi na sa aspeto sa seguridad ug kaluwasan sa kalsada.Dugang pa niya, ginatun-an pa karon sa buhatan ang mga implementing rules and regulations aron makapanday og insaktong mga balaod sa pag-regulate sa paggamit sa mga light electric vehicles.
