Plastado na ang kampanya sa Ligtas Paskohan 2025 sa Police Regional Office -10 sa tibook Northern Mindanao.
Kini ang gikompirmar ni Police Major Joann Navarro, ang tigpamaba sa PRO-10, sa pakighinabi sa BOMBO RADYO.
Miingon si Navarro nga maoy kini ang ilang tubag sa pagkontrolar sa katawhan ug kalinaw panahon sa holiday peak season.
Kapin 4,000 ka mga personahe sa tanan PNP Lower Units ang gipakatag sa mga krusyal nga lokasyon nga sagad mahitabo ang mga krimen.
Ang ilang operasyon gilangkoban sa mobile patrolling, police visibility, checkpoints, ug paghatag sa seguridad sa mga transportation hubs sama sa airports, seaports, ug bus terminals sa rehiyon.
Dugtong niini, andam na usab ang security plan alang sa pagsugod sa novena masses sa simbahang katolika, sama sa simbang gabie ug misa de gallo.
