CAGAYAN DE ORO CITY – Walay bisan unsa nga natala mga dagkong panghitabo nga nakatugaw sa katawhan sa pagsaulog sa adlaw sa santos sa Northern Mindanao.
Nunot kini sa pagdalikyat sa katawhan sa sobra 200 ka menteryo sa rehiyon kagahapong adlawa.
Miingon si Police Brig Gen Jaysen De Guzman,regional director sa Police Regional Office 10 nga mihimo usab sila sa pagsusi sa nagkadaiyang menteryo sa pagsiguro nga nasunod sa lower units ang security strategy nga haom sa kalihukan.
Siya miingon nga bisan ang iyang ubang senior police officials sa Kampo Alagar ang gipangtahasan sa nagkadaiyang probinsya aron akto nga susihon ang ilang puwersa nga gipabantay sa kahusay’g kalinaw hangtod ning adlawa.
Naka-hightened alert status ang PRO 10 tungod sa duha ka adlaw nga kalihukan sa katawhan.
Samtang bisan nga walay seryosong bahad sa seguridad apan nagdumili sa paghatag kumpiyansa ang Kampo Alagar alayon sa pagdumdom sa mga kalag ning adlawa.
Miingon si De Guzman nga hangtod nga dili pa matibawas ang duha ka adlaw nga paglihok ug pagbisita sa katawhan sa nagkadaiyang menteryo pabilin usab ang paghatag seguridad ngadto kanila.
Siya miingon nga hugot ang gipatuman nga pag-alerto sa border control areas sa rehiyon ug naglihok usab ang intelligence community kauban ang ubang govt counterparts sama sa NICA ug militar alang niini.
Hisayrang maoy gilikayan sa gobierno nga masudlan ug malutsan sa mga terorista ang maong mga kalihukan.
