Gipanigurado sa Simbahang Katolika nga walay sagol pamulitika ang ilang gi-organisar nga pagdumdum sa ika-40 ka tuig nga anibersaryo sa EDSA People Power Revolution sa Pebrero 25. Kini ang gibutyag ni Reverend Father Jerome Secillano, rektor sa Archdiocesan Shrine of Mary, Queen of Peace o mas naila isip EDSA Shrine. Namahayag si Secillano sa press briefing nga usa ra ka politiko ang ilang gi-imbita ug kini mao si Senador Bam Aquino. Mi-ingon si Secillano nga nahinabi na niya ang senador ug gisulti-an nga walay isagol nga isyu sa pulitika ang iyang ipamahayag kay ang unod niini, nakapunting lang sa gahum sa katawhan sa pagpabalik sa demokrasya pinaagi sa iyang apohan nga si kanhi Presidente Corazon Aquino. Gawas niini, gipamugos sa kasimbahanan nga ang kalihukan nagdasig sa mga kabatan-unan nga maghiusa alang sa kalinaw sa nasud, ug pagdumdum sa mga simbolo sa pagkamabayanihon sa katawhang Pilipino panahon nga nag-atubang sa grabeng krisis sa diktadurya ang nasud.
