Mupadulong sa kadalanan ug magpahigayon og saba nga lihok-protesta ang mga kabataan ug nagkalainlaing grupo karong adlawa, Lunes, Setyembre 21—ang anibersaryo sa pagdeklarar sa Martial Law sa nasod.
Lakip sa ilang ipanawagan ug ireklamo mao ang Pax Silica project nga gipugos sa gobyerno taliwala sa pagpang-aresto sa lima ka paralegal ug sa hulga nga pagpalayas sa mga Aeta sa Tarlac.
Mao kini ang gipahayag ni Cobbie Jan Canda sa Kabataan Partylist, diin gitin-aw niya nga gawas sa Luzon, madaot usab ang yuta ug panginabuhian sa Mindanao kon madayon ang maong proyekto sama sa giplanong oil depot ug data center sa Davao.
Tungod niini, nagkahiusa ang ilang grupo ug uban pang organisasyon nga mag-uban karong adlawa aron ipahunong gyud ang maong plano.
